ആലപ്പുഴ: ചെന്നിത്തലയിലെ നവോദയ സ്കൂൾ ഹോസ്റ്റലിൽ ജീവനൊടുക്കിയ വിദ്യാർത്ഥി എഴുതിയ കുറിപ്പ് കണ്ടെത്തി. പ്ലസ് വൺ വിദ്യാർത്ഥിനി അഭിഗീതിന്റെ ആത്മഹത്യാ കുറിപ്പാണ് കണ്ടെത്തിയത്. ഐ ഹേറ്റ് മൈ ലൈഫ് അമ്മൂ (ഞാൻ എന്റെ ജീവിതത്തെ വെറുക്കുന്നു) എന്നാണ് കുറിപ്പിൽ ഉള്ളത്.
കുട്ടി ആത്മഹത്യ ചെയ്തതിന്റെ കാരണം ഇനിയും കണ്ടെത്താനായിട്ടില്ല. വ്യക്തിപരമായ കാരണങ്ങളായിരിക്കുമോ എന്നാണ് പൊലീസ് സംശയിക്കുന്നത്. ഇന്ന് രാവിലെ കുട്ടി സ്കൂളിൽ വന്നിരുന്നു. എന്നാൽ ഉച്ചയ്ക്ക് ശേഷം കാണാതായി. പിന്നാലെ നടത്തിയ തെരച്ചിലിലാണ് ശുചമുറിക്കടുത്ത് കുട്ടിയെ ആത്മഹത്യ ചെയ്ത നിലയിൽ കണ്ടെത്തിയത്.
നാല് മാസങ്ങൾക്ക് മുൻപ് ഇതേ സ്കൂളിൻ്റെ ഹോസ്റ്റലിൽ ഒരു വിദ്യാർത്ഥിനി ജീവനൊടുക്കിയിരുന്നു. ആറാട്ടുപുഴ സ്വദേശിയായ പത്താം ക്ലാസ് വിദ്യാർത്ഥിനി എസ് നേഹയെയാണ് മരിച്ച നിലയിൽ കണ്ടെത്തിയത്. ഹോസ്റ്റലിൻ്റെ ശുചിമുറിയിലേക്ക് പോകുന്ന ഇടനാഴിയിലായിരുന്നു പെൺകുട്ടിയെ മരിച്ച നിലയിൽ കണ്ടെത്തിയത്. മരണത്തിൽ പൊലീസ് അന്വേഷണം നടത്തിവരികയാണ്. ഇതിനിടെയാണ് മറ്റൊരു വിദ്യാർത്ഥി കൂടി ജീവനൊടുക്കിയിരിക്കുന്നത്.
Content Highlights: A note has been recovered in connection with the death of a student at the Navodaya School in Chennithala. The note was written by Abhigeeth, a Plus One student who was found dead in the school. In the note, the student reportedly wrote that he hated his life.